የኤፍ ኤ ካፕ እና የፕሪሚየር ሊግ የሳምንቱ መጨረሻ ጨዋታዎች፡ የተገመቱ አሰላለፎችና የቡድን ዜናዎች

የኤፍ ኤ ካፕ የግማሽ ፍጻሜ፡ ማንቸስተር ሲቲ ከ ሳውዝሃምፕተን

ቅዳሜ ምሽት 11፡15 በዌምብሌይ ስታዲየም የሚካሄደውን ይህን ጨዋታ ክሬግ ፓውሰን በዳኝነት ይመሩታል። ማንቸስተር ሲቲ ዶናሩማ፣ ቤቲኔሊ፣ ሌዊስ፣ ኩሳኖቭ፣ ኮቫቺች፣ ሲልቫ፣ ዶኩ እና ሴሜንዮን ጨምሮ ሰፊ የተጠባባቂ ዝርዝር አለው። ይሁን እንጂ ዲያስ (የጡንቻ ጉዳት)፣ ግቫርዲዮል (የአጥንት ስብራት) እና ሮድሪ በጉዳት ምክንያት አይሰለፉም። በ35 ግቦች የቡድኑ ከፍተኛ ግብ አስቆጣሪ የሆነው ኤርሊንግ ሃላንድ ጨዋታውን ይመራል። በአንጻሩ ሳውዝሃምፕተን ስቴፈንስን በመሰለፍ ረገድ መጠራጠራቸው ሲታወቅ፣ ሮየርዝሌቭ እና ማካርቲ በጉዳት፣ ዶውንስ እና ማኒንግ ደግሞ በቅጣት ምክንያት ከጨዋታው ውጭ ናቸው። አርምስትሮንግ በ11 ግቦች የቡድኑ ኮከብ ነው።

ቼልሲ ከ ሊድስ ዩናይትድ

እሁድ ከሰአት 9፡00 በዌምብሌይ የሚደረገው ጨዋታ በጃሬድ ጊሌት ዳኝነት ይመራል። ቼልሲ ጆርገንሰን፣ ፓልመር፣ ጄምስ እና ጆአዎ ፔድሮን የመሰለፍ ነገር አጠራጣሪ ሲሆን፣ ኮልዊል፣ ጊትንስ እና ኢስቴቫዎ በጉዳት አይሰለፉም። ሙድሪክ ደግሞ በቅጣት ምክንያት ከሜዳ ይርቃል። ሊድስ በበኩሉ ስታች፣ ሮደን እና ጄምስን በጉዳት አጥቷል። የቡድኑ ከፍተኛ ግብ አስቆጣሪ ካልቨርት-ሌዊን ሲሆን በ12 ግቦች ይመራል።

የእንግሊዝ ፕሪሚየር ሊግ፡ ፉልሃም ከ አስቶን ቪላ

ቅዳሜ ረፋድ 8፡30 በክራቨን ኮቴጅ የሚካሄደው ጨዋታ ሚካኤል ኦሊቨር ዳኛ ናቸው። ፉልሃም አሌክስ ኢዎቢ፣ ኬቪን እና ቴቴን በጉዳት አጥቷል። አስቶን ቪላ ደግሞ ካማራን በጉዳት አያሰልፍም። ቪላዎች ቢዞት፣ ሚንግስ፣ ሊንደሎፍ፣ ዲግኔ እና ሳንቾን በተጠባባቂነት ይዘው ይጓዛሉ። ኦሊ ዋትኪንስ በ11 ግቦች የቪላ ቀዳሚ ጎል አስቆጣሪ ነው።

ሊቨርፑል ከ ክሪስታል ፓላስ

ቅዳሜ 11፡00 በአንፊልድ የሚደረገውን ጨዋታ አንዲ ማድሊ ይመሩታል። ሊቨርፑል ግብ ጠባቂው አሊሰን ቤከር መሰለፉ መጠራጠሩ ሲገለጽ፣ ማማርዳሽቪሊ፣ ኤንዶ፣ ብራድሌይ፣ ሊዮኒ እና ባይቼቲችን ጨምሮ በርካታ ተጫዋቾች በጉዳት ዝርዝር ውስጥ ይገኛሉ። ፓላስ በበኩሉ ኤዲ ንኬቲያ እና ጌሳንድን በጉዳት አያሰልፍም። ፊሊፕ ማቴታ በ10 ግቦች የፓላስ ከፍተኛ ግብ አስቆጣሪ ነው።

ዌስትሃም ከ ኤቨርተን

ቅዳሜ 11፡00 በለንደን ስታዲየም የሚደረገውን ጨዋታ ስቱዋርት አትዌል ይመሩታል። ዌስትሃም ግብ ጠባቂውን ፋቢያንስኪን በጉዳት ሲያጣ፣ ኤቨርተን ደግሞ ቤቶ፣ ብራንዝዌይት እና ጃክ ግሪሊሽን በጉዳት አያሰልፍም። ጃሮድ ቦወን በ8 ግቦች የዌስትሃም ቀዳሚ ጎል አስቆጣሪ ነው።

ዎልቭስ ከ ቶተንሃም

ቅዳሜ 11፡00 በሞሊኒክስ ስታዲየም የሚካሄደው ጨዋታ አንቶኒ ቴይለር ዳኛ ናቸው። ዎልቭስ ግብ ጠባቂው ሆሴ ሳ መሰለፉ አጠራጣሪ ሲሆን፣ ክሬይቺ እና ጆንስተን በጉዳት፣ ሞስኬራ ደግሞ በቅጣት አይሰለፉም። ቶተንሃም በጄምስ ማዲሰን ዝግጁነት ላይ ጥርጣሬ ሲኖረው፣ ቪካሪዮ፣ ኡዶጊ፣ ሮሜሮ፣ ኩሉሴቭስኪ እና ኩዱስን ጨምሮ ስምንት ተጫዋቾች በጉዳት ምክንያት አይሰለፉም። ሪሻርሊሰን በ9 ግቦች የቡድኑ ከፍተኛ ጎል አስቆጣሪ ነው።

አርሰናል ከ ኒውካስትል

ቅዳሜ ምሽት 1፡30 በኤምሬትስ ስታዲየም ሳም ባሮት ጨዋታውን ይመሩታል። አርሰናል የቲምበር መሰለፍ አጠራጣሪ ሲሆን ሜሪኖ በጉዳት አይሰለፍም። ቪክቶር ዮከሬሽ በ12 ግቦች የቡድኑ ኮከብ ነው። ኒውካስትል በበኩሉ ሻር፣ አንቶኒ ጎርደን፣ ክራፍት እና ሊቭራሜንቶን በጉዳት፣ ጆሊንተንን ደግሞ በቅጣት አያሰልፍም።

ማንቸስተር ዩናይትድ ከ ብሬንትፎርድ

ሰኞ ምሽት 4፡00 በኦልድ ትራፎርድ የሚካሄደው ጨዋታ በክሪስ ካቫናው ይመራል። ዩናይትድ የሌኒ ዮሮ መሰለፍ አጠራጣሪ ሲሆን ዶርጉ እና ማቲያስ ዴ ሊክት በጉዳት፣ ሊሳንድሮ ማርቲኔዝ ደግሞ በቅጣት አይሰለፉም። ብሬንትፎርድ ጆሽ ዳሲልቫ መጠራጠሩ ሲታወቅ፣ ፉሮ፣ ሄንደርሰን፣ ካርቫልሆ እና ያኔልትን ጨምሮ ስድስት ተጫዋቾች በጉዳት አይሰለፉም። ኢጎር ቲያጎ በ21 ግቦች የብሬንትፎርድ ከፍተኛ ግብ አስቆጣሪ ነው።