“አስደንጋጭ ውሳኔ”፦ ማይክል ካሪክ በማርቲኔዝ የቀይ ካርድ መቆጣታቸውን ገለጹ

ሊድስ 2-0 እየመራ ባለበት ወቅት ዳኛው ፖል ቲየርኒ ክስተቱን በቪዲዮ ካዩ በኋላ ማርቲኔዝ በ56ኛው ደቂቃ ከሜዳ ተሰናብቷል። ካሪክ ሲናገሩ፦ “እጁ በሊሳንድሮ ፊት ላይ ነበረ፣ እሱም ሚዛኑን ስቶ እየታገሉ ነበር። ማሊያውን ለመንካት ሲሞክር ቀይ ካርድ ተሰጠው። ይህ የጥቃት ድርጊት አይደለም፣ ምንም አይነት መሳብ ወይም ግፊት አልነበረም። የእግር ኳስ አጨዋወት ወዴት እየሄደ እንደሆነ መጠንቀቅ አለብን። ይህ በጣም አስደንጋጭ ውሳኔ ነው፣ በፍጹም አስደንጋጭ። የቀይ ካርዱ ነገር በእውነት ያሳስባል። ፀጉሩን እንደነካው አውቃለሁ፤ ነገር ግን በከፍተኛ የጥቃት ስሜት ከመንካት ጋር ልዩነት አለው” ብለዋል።

ይግባኝ ስለመጠየቃቸው የተጠየቁት ጊዜያዊ ስራ አስኪያጁ “በጉዳዩ ላይ መወያየት ይኖርብኛል፣ ነገር ግን ውሳኔው ስህተት ነው ብዬ አስባለሁ” ብለዋል። በተጨማሪም ካልቨርት-ሌዊን በሊኒ ዮሮ ላይ ጥፋት ሰርቷል በማለት ኖህ ኦካፎር በአምስተኛው ደቂቃ ያስቆጠራትን የመጀመሪያዋን ጎል ተቃውመዋል። “በጎሉ ወቅት ሊኒ ዮሮ በጭንቅላቱ ጀርባ ላይ በክርን ተመትቷል። ያ ጎል እንዴት እንዳልተሰረዘ አልገባኝም። የመጀመሪያው ጎል መጽናት አልነበረበትም፤ እጁን ተጠቅሟል፣ እንዴት በቪዲዮ እንደማይታይ አይገባኝም” ሲሉ ቅሬታቸውን ገልጸዋል።

ማጓየር ጨዋታው ያመለጠው መጋቢት 20 ቀን ከቦርንማውዝ ጋር 2-2 በሆነ ውጤት በተጠናቀቀው ጨዋታ ግልጽ የጎል እድልን በማክሸፉ በቀጥታ ቀይ ካርድ በማየቱ ነው። ከሜዳ ከተሰናበተ በኋላ በአራተኛው ዳኛ ላይ የስድብ ወይም የማንቋሸሽ ቃላትን ተጠቅሟል በሚል በኳስ ፌዴሬሽኑ “ተገቢ ያልሆነ ባህሪ” ክስ ቀርቦበታል። ዩናይትድ ወደ ቼልሲ ከመጓዙ በፊት የማጓየርን ጥፋተኝነት ያውቃል። ማርቲኔዝም ከብሬንትፎርድ እና ከሊቨርፑል ጋር የሚደረጉትን ጨዋታዎች ያመልጡታል።

ሊድስ ከ45 ዓመታት በኋላ በኦልድ ትራፎርድ የመጀመሪያውን ድል በማስመዝገቡ ዳንኤል ፋርክ ሲናገሩ “ድካም ይሰማኛል፣ ግን እፎይታ አግኝቻለሁ፣ በልጆቹም ኮርቻለሁ። ከ40 ዓመታት በላይ በኋላ እዚህ የመጀመሪያውን የሊግ ድል ማግኘት አስደናቂ ነው” ብለዋል።