በቲኤንቲ ስፖርትስ የኤፍኤ ካፕ ጨዋታዎች ከፕሪምየር ሊግ የበለጠ ተመልካች እያገኙ ነው

በዘንድሮው የውድድር ዘመን በቲኤንቲ ስፖርትስ (TNT Sports) የሚተላለፉ የኤፍኤ ካፕ ጨዋታዎች ከእንግሊዝ ፕሪምየር ሊግ ግጥሚያዎች የበለጠ ተመልካቾችን እየሳቡ መሆኑ ተገለጸ። ዘ ጋርዲያን ይፋ ባደረገው መረጃ መሰረት፣ ባለፈው ወር በብራይተን እና ማንችስተር ዩናይትድ መካከል የተደረገው የሶስተኛ ዙር ጨዋታ በአማካይ 876 ሺህ ተመልካቾችን በማግኘት የፕሪምየር ሊግ ጨዋታዎችን በልጧል። የውድድሩ ስርጭት መብት ለክፍያ ቻናል መሸጡ ቅሬታ አስነስቶ የነበረ ቢሆንም፣ የተመልካቾች ቁጥር ግን አሁንም ከፍተኛ ሆኖ ቀጥሏል። ቲኤንቲ ከቢቢሲ ጋር ባደረገው ስምምነት መሰረት አንዳንድ ጨዋታዎች በነፃ ቻናል እየቀረቡ ሲሆን፣ የአስቶን ቪላ እና ቶተንሀም ጨዋታ በቢቢሲ እስከ 3.1 ሚሊዮን ተመልካቾችን ማግኘቱ የኤፍኤ ካፕ ተወዳጅነት እንዳልቀነሰ ማሳያ ሆኗል።